WILLEMSTAD.- Na diferente okashon EXTRA a mustra ku tin di respetá derechi di outor. Ta kue nos artíkulo i fotonan sin tene kuenta ku esaki. Nos a kuminsá tuma paso kontra di diferente persona i organisashon ku ta hasi nan mes kulpabel na esaki.

Awor tambe ta saka potrèt di nos videonan. EXTRA ke mustra ku esaki tambe ta violashon di derechi di outor. Nos lo no duda pa tuma e pasonan hurídiko nesesario pa asina por salbaguardiá i protehá nos produkshon.

EXTRA tin un tim basta amplio di personal ku ta move di dia i anochi pa asina nos por trese tur informashon i potrèt pa nos lektornan, te kaminda esaki ta den nos man. I no ta korekto ku otronan sin nos pèrmit ta kue nos potrètnan i manda esakinan riba Facebook òf Broadcast. EXTRA no ta aseptá esaki!