WILLEMSTAD – Kòrsou a lanta awe mainta ku promé kaso di asesinato registrá pa loke ta bai 2022. Outoridatnan polisial a risibí notifikashon di un tiroteo den Cubaguaweg na Buenavista. Mesora a manda diferente patruya na e sitio i ei a bin topa un hòmber drumi mei mei di kaya ku ya no ta duna señal di bida mas. Ambulans tambe a yega rápidamente na e sitio pero ya no por a hasi nada mas pa e víktima. Polis ta investigando e krímen aki i dòkter mester yega pa konstatá morto di e víktima. Asina ku polis duna un relato ofisial lo informá lektornan di EXTRA. Den edishon di mayan tambe lo tin amplio detaye.