WILLEMSTAD.- Dia 6 di febrüari 1967 e promé klas di aspirante di polis a kuminsá su studio pa bira polis na skol di polis na Rio Canario. E klas aki tabata konsistí di 23 aspirante. A toka e klas aki e honor pa tabatin e promé dosente yu di Kòrsou komo dosente pa su klas. Tabata  E.B.C Fonseca mihó konosí komo Benny Fonseca, e tempu ei hoofdagent studiando pa sup inspektor di polis. Kabes di skol di polis tabata sup inspektor sr. de Lijster. Riba e foto aki por mira e agentenan ku a sirbi nos pais dignamente I nan a selebrá ayera ku un Santu Sakrifisio di Misa.