WILLEMSTAD.- Sentro di Deporte Errol Rooi na SDK ta kla pa akapará mas di 300 siudadano ku ke vakuná. Nos a tuma nota ku ayera den e sala na SDK a harma stulnan.
Den deklarashon pa EXTRA minister demishonario di salubridat sra. Zita Jesus-Leito a duna di konosé ku enberdat, SDK ta bai bira e di tres sentro di vakunashon grandi. Ya kaba tin Sambil, Poli i awor SDK. Tur esaki aparte dje mobil ku ta pasa na kas di hende grandi i prisòn.
Mas aleu sra. Jesus-leito a bisa ku den área di Pabou tambe lo bin un sentro di vakunashon. Minister a bisa ku ta e intenshon ku pa e siman aki por habri e sentro di vakunashon na SDK. E intenshon pa alkansá alrededor di 60 mil hende ku a vakuná.

update;

Maharo Isenia hefe di direktorado di informashon di gobièrnu a kaba di anunsiá ku ta habri mas posibilidat pa vakuná. Awor aki Sehos Poli ta duna posibilidat a 300 hende vakuna pero e ta keda ekspandé ta 600 hende. Sambil tabata 700 i a ampli’é na 1500 hende ku por keda vakuna pa da. Entrada djaluna awor 12 di aprel ta habri SDK pa vakuna i asina krea posibilidat pa mas hende vakuna pa dia. Tambe ta pendiente pa habri Marine Kazerne na Parera i próksimamente tantu lo habri un sentro na Banda Ariba i Otro na Banda bou. Tur esaki ta trese kuné ku hendenan ku a haña sita pa fin di aprel, mei i yüni awor por kanselá esaki i entrante mayan 8 di aprel traha sita nobo teniendo na kuenta ku tin mas posibilidat pa vakuna.

LAGA UN KOMENTARIO

Please enter your comment!
Please enter your name here