WILLEMSTAD.- Nos tur ta konsiente ku hopi di nos studiantenan ku ta studia na Merka ta keda residente di Kòrsou. Aunke nan ta bai studia na Merka, nan lo keda residente di Kòrsou. Esei ta nifiká ku pronto nos studiantenan yu di Kòrsou bibá na Merka lo por bai kuminsá hasi uso di nan QR-Code tambe. Pero na su debido tempu gobièrnu di Kòrsou lo informá unda e grupo aki mester ta pa nan por registrá.

Segun sr. Maharo Isenia di e Direktorado di Komunikashon i Informashon, aktualmente dor ku e studiantenan aki a tuma nan vakuna i eventualmente e ‘booster shot’ na Merka, ainda nan lo no por registrá na Kòrsou pa nan keda identifiká komo personanan ku por drenta den eventonan di riesgo haltu i hasi uso di QR-Code.

Pero pronto esaki lo bai bira posibel, esta ku studiantenan bibá na Merka tambe lo por bini na remarke pa nan por bai eventonan dje karakter ei. Pero na su debido tempu gobièrnu di Kòrsou lo informá.