WILLEMSTAD. - Ayera despues di algun siman den kas, esunnan ku mester di kuido físiko i mental, por a bai laman pa nan terapia. Esaki ta posibel for di 4.30 or di mainta te ku 8 or di mainta.

Tabata bisto ku e nesesidat pa ku sigur e kuido mental ta grandi, si tuma na konsiderashon kuantu hende a sali kas pa nan terapia mental i kuido físiko.

Ta konosí ku e problemanan pa ku “lockdown” esta di keda den kas ta un peso enorme pa humanidat. Un dado momentu tur hende ta komprondé e motibu di e medidanan i mester indiká ku e komunidat aki a komportá su mes realmente bon, ku aki aya kisas algun hende ku no a kumpli ku e medidanan.

Pero den linianan grandi, apesar ku tin hopi influensia di siudadanonan ku no ta biba aki na Kòrsou ta subi facebook i trata di splika e komunidat aki ku tin kosnan inhustu tumando lugá ku e medidanan, mester bisa ku e pueblo no a bai tras di e mensahenan.