WILLEMSTAD.- Radulphus College ta sklama pa e “zeebrapad” dilanti dje skol na Cas Coraweg ta visibel atrobe. For di den fakansi di e aña aki te ku novèmber último, e skol a bati na porta di e ministerio VVRP pa por laga pinta e “zeebrapad” p’e ta bon visibel pa outomobilistanan ku ta pasa dilanti dje skol, i asina evitá lo peor. Pero te ainda e skol no a haña oido dje ministerio en kuestion. Tambe a pidi pa kap palu dilanti di un bòrchi ku ta indiká outomobilistanan ku tin un “zeebapad” i ku nan tin di para pa hende krusa, nada. E skol ta spera ku ora skol habri su portanan na yanüari 2020, por a hasi e trabounan aki.