WILLEMSTAD— RBC Royal Bank a emití e siguiente deklarashon relashoná ku e seramentu temporal di e brènch na Kòrsou.  “En konekshon ku e medidanan adishonal kontra COVID-19, manera Gobièrnu a anunsiá, nos brènch na Rooi Catochi ta temporalmente sera te próksimo aviso. RBC ta apoyá tur esfuersonan pa limitá e posibel kontagio di COVID-19 den nos komunidat. Nos ta rekordá nos kliente pa hasi uso di RBC Digital Banking (online i mobile), disponibel 24/7, òf nos ret di ATM i mashinnan-di-pago pa mayoria di transakshonnan bankario di tur dia. Ademas, e Non-Stop Depository service (servisio di depósito) pa nos kliente di Business Banking ta keda disponibel. Kliente ku tin mester di asistensia ku nan karchi di banko, pa hasi transakshonnan online, òf pa kualke otro pregunta, por tuma kontakto ku nos sentro di kliente na + (5999) 763-8438. Bo seguridat ta nos prioridat. RBC ta urgi tur hende pa keda kas i keda seif!”