WILLEMSTAD.- Tiki tiki pero sigur a kuminsá rebibá Sha Caprileskade. Empresarionan lokal a kuminsá bende fruta i berdura manera tabata e kaso ántes bek.

Por a mira vários siudadano i bishitantenan di nos sentro di siudat ku a pasa i hasi nan kompranan. Ministerio di Desaroyo Ekonómiko ta invitá tur hende pa pasa kumpra nan fruta, berdura, piská, boka dushi, i artesania.

Tambe ta hasi un yamada pa tur hende ku ta interesá pa bende nan kosnan lokal na Sha Caprileskade, pa tuma kontakto ku Marshe Kòrsou - Fundashon Marshe na number di telefon 461-1176.