Bon notisia pa esnan bakuna

WASHINGTON.-Gobièrnu merikano a disidí ku ta trese kambio na e eksigensia i medidanan ku ta nesesario pa tur siudadano di otro pais ku ta biaha pa Merka. E pasahero mester demostrá ku e ta ful bakuná i un test negativo di Covid. Di e forma aki e atministrashon Biden ke habri e posibilidat di biahe for di vários dozein di pais ku ke biaha pa Merka. Esaki ta e promé kambio de tal direkshon for di momentu ku mundu a konosé e pandemia aki.

Kuminsando na novèmber awor e regla nobo ta drenta na vigor kaminda kada biahero mester demostrá ku e ta ful bakuna i un prueba ku el a test negativo promé ku e drenta Merka.

Hopi pais rònt mundu inkluso paisnan oropeo e medida aki lo suavisá nan posibilidatnan di biahe, ounke di otro banda e medida aki lo ta un peso hopi estrikto pa paisnan ku sea no tin òf no tin sufisiente kantidat di bakuna pa suministrá su poblashon.