WILLEMSTAD/DEN HAAG.- Reina Máxima djaweps 6 di òktober a hasi un bishita di trabou na e eksposishon “Kòrsou – Curaçao. Stemmen van toen, mensen van nu” den Archivo Nashonal di Hulanda (Nationaal Archief) den e siudat Den Haag.
Den e eksposishon tin atenshon pa historia, kultura i komunidat di Kòrsou. Por mira diferente dokumentonan i portrètnan históriko, i tambe portrèt, video en entrevista di fotógrafo Selwyn de Wind. Banda di esei por mira arte di artistanan di Kòrsou. Resientemente a prolongá e eksposishon te 20 di novèmber di e aña aki.

Dyonna Benett ku ta ‘curator’ di e eksposishon i trahadó di Archivo Nashonal riba tereno di edukashon Zion Piggott a duna Reina Máxima un rekorido. A informá Máxima entre otro tokante historia di Papiamentu i ekspreshon musikal den periodo di kolonialismo i den tempu moderno. Pero tambe a informá Máxima tokante pasado di sklabitut, drechi di voto pa hende muhé i e nòmbernan ku persona a haña despues di abolishon di sklabitut. Despues di e bishita Rei Máxima a papia ku hende ku tabata enbolbí den realisashon di eksposishon.