WILLEMSTAD.- Ayera den oranan di anochi, hopi ta esnan trafikando den área di Mahuma, a tuma nota ku outoridatnan tabatin kaya será. Esaki ta debí ku tabatin un rekonstrukshon tumando lugá pa saka afó kiko realmente a pasa riba e dia enkuestion.

Riba e dia di e krímen e promé informashon ku polis a risibí lo ta indiká ku lo tabatin un atrako. Pero e investigashonnan ku a kontinuá, ta trese sierto dudanan ku realmente un atrako a tuma lugá.

Esaki ta motibu ku un tim formá pa entre otro reshèrshinan, fiskal, abogado i tambe e sospechoso a bai den Kaya Fifi Römer ku ta keda na Mahuma pa asina por rekonstruí e kaso i wak ku por sali for di e dudanan ku tin.