WILLEMSTAD.- Mas di 1000 hende muhé a hasi nan mamografia den e luna di novèmber último. Ta promé bia ku un kantidat asina grandi di hende muhé ta partisipá na e “screening” di kanser na pechu.
Kanser di pechu ta kanser number un serka hende muhé i kada aña entre 30 pa 40 hende muhé ta fayesé di e malesa. Por detektá kanser di pechu tempran i den hopi kaso ta posibel pa evitá ku e persona ta fayesé pa motibu ku e malesa di kanser di pechu a desaroyá i bira kanseroso.
Fundashon Prevenshon ta ofresé “screening” di kanser di pechu na hende muhé di 45 te 75 aña for di 2010. Tur hende muhé ta risibí un karta di invitashon na kas pa bin hasi e mamografia kada dos aña. Fundashon Prevenshon ta ofresé informashon tokante screening via korant, radio, televishon i via medionan sosial.
Fundashon Prevenshon ta gradisí tur hende muhé ku a partisipá na screening di pechu, tur persona den e kadena di prevenshon: personal di atministrashon, laborant, dòkter di kas, spesialista médiko, guianan profeshonal i laboratorio pa nan aporte den e trabou di screening.
Ta notabel ku tin oumento di partisipante tambe den e programanan di screening di Kanser di boka di matris i di Kanser di tripa.
Dia 16 desèmber Banko MCB a otorgá e instituto e mérito pa bon trabou ku diariamente ta ofresé na komunidat di Kòrsou.