WILLEMSTAD.- Tabata mas ku kla ku Biblioteka Nashonal Kòrsou mester a muda for di e edifisio na Waaigat/Scharloo. E edifisio aki a bai hopi for di man, hopi dekaí i mester keda renová kompleto.

For di djaluna e siman aki Biblioteka Nashonal Kòrsou ta den edifisio nobo na Fokkerweg 17.

Riba e página di Facebook di Biblioteka Nashonal Kòrsou tambe nan ta informá nan a habri nan portanan bèk (den un forma di Soft Launch) pa komunidat di Kòrsou na Fokkerweg 17. Kaminda ántes tabata RadioShack i Automotive.

For di 15 di ougùstùs te ku 30 di sèptèmber por bira miembro grátis di BNK i alabes por entregá buki grátis (sin paga but).

BNK ta habrí di djaluna te ku djabièrnè di 8 or di mainta te ku 6 or di atardi. Djasabra di 9 or di mainta te ku 6 or di atardi.

EXTRA a komprondé ku no ta konosí ainda kuantu tempu biblioteka lo keda den e lokalidat nobo aki. Ta papia di 4 aña ya ku renobashon di e edifisio den Scharlooweg lo tuma basta tempu.

Pa esnan ku ta biaha den konvoi di ABC, e bùs di Seru Fortuna Punda ta pasa dilanti di e edifisio aki.