WILLEMSTAD.-E aña aki atrobe tabatin un seremonia na e plenchi di Waaigat pa rekordá esnan ku a pèrdè nan bida durante di segunda guera mundial. Den presensia di mandatario, dignatarionan i algun famia ta dediká e momentu solèm aki, kaminda famia, promé minister i su ekselensia gobernador ta pone un krans.

Na Ulanda tambe e seremonia aki ta tuma lugá i na Amsterdam ta awe nochi ora ulandes, den presensia di promé minister ulandes i su mahestat Rei Willem Alexander. Na Ulanda e aña aki no por a pone banderanan halfstok na Martinitoren, esaki debí na un bientu sumamente duru ku ta supla. Mas detaye den edishon di EXTRA.