WILLEMSTAD – E notisia ku Ulanda a imponé kódigo oraño ayera a kai manera un baño friu pa restorantnan. Pa esnan mas chikitu esaki lo por ta un sla mortal. Un di e sektornan ku mas a sufri ku medidanan imponé. Awor ku e desaroyo nobo aki lo ta un problema serio. Anteriormente ya kaba Curaçao Restaurant Assocation (CRA) a indiká ku restorantnan ta tene nan mes na regla i no ta e fuente di kontaminashon. CRA ta enfatisá tambe ku ‘Lei Seku’ no a logra e meta komokiera ku otro sektor si por a sigui bende alkohòl.

Si turistanan stòp di bin Kòrsou, restorantnan lo tin ku bai stens riba e merkado lokal so. Ya anteriormente restorantnan a pasa den un periodo sin turista i ta spera ku atrobe por konta ku sosten di komunidat di Kòrsou. Lo ta otro periodo duru pero e kliente lokal ta e último salbashon.  P’esei CRA ta pidi un i tur pa sostené bo restorant faborito pa asina yena e bashí ku kaida afó di turista.