WILLEMSTAD - Despues ku e tim di krísis a hiba un konsulta ku representantenan di restorant i hasi un análisis di data i posibel konsekuensianan, restorantnan por kuminsá tuma klientenan paden tambe. Esaki mester bai bou di reglanan estrikto di prekoushon. Gobièrnu di Kòrsou ke pidi tur hende pa disfrutá konsientemente. Esaki ta entrante mayan 20 di yanüari 2021. Mester tene registrashon di klientenan i por tuma solamente 50% di kapasidat. Solamente personanan di mesun kas por sita huntu paden na mesa. Personal di restorant mester bisti tapaboka. (File foto)