WILLEMSTAD.- Den wikènt ku ta tras di lomba EXTRA a publiká un enkuesta ku e siguiente pregunta: "Bo ta di akuerdo pa outonan stürwil kontrali partisipá den nos tráfiko?", pa djis haña un idea kiko ta biba den komunidat tokante di outonan ku stürwil na man kontrali (RHD).

E resultado ta lo siguiente:
SI   1411
NO    627
NEUTRAL  131

E enkuesta aki ta sirbi, mei mei di e diskushon ku ta andando últimamente, pa haña un bista na kua banda e opinionnan ta lèn mas tantu, pero na niun momento so nos no ke pretende ku ta trata di un enkuesta ofisial.