WILLEMSTAD.- Orco Bank N.V. a reportá un desempeño finansiero fuerte den 2025, reflehando e kresementu ekonómiko sostení na Kòrsou, Boneiru i Sint Maarten, huntu ku invershonnan stratégiko den ‘banking’ digital i aksesibilidat pa kliente.

Total di aktivo a oumentá ku 18.3% te na XCG 2.5 bion, miéntras ku depósito di kliente a krese ku 18.7% te na XCG 2.3 bion, lo kual ta enfatisá e konfiansa kontinuo den e banko. Fiansa i adelanto a ekspandé ku 34.3% te na XCG 1,485 mion, dunando sosten na tantu klientenan partikular komo empresarial, i e banko a registrá un resultado neto di XCG 29.1 mion.

Logronan importante durante e aña a inkluí e transishon eksitoso di e portafolio di CIBC FirstCaribbean na Sint Maarten, e promé kampaña di fiansa di outo AutoXperience di e banko na Kòrsou, i e ekspanshon di ATM i lokashonnan di self-service na Kòrsou i Sint Maarten.

Mirando pa dilanti, Orco Bank ta keda enfoká riba fortalesé relashonnan ku kliente, ekspandé servisio digital, i sostené desaroyo ekonómiko sostenibel den henter e region.

Foto: ‘Managing Director & CEO’ Orco Bank: Mr. Edward Pietersz