WILLEMSTAD.- Despues ku siman pasa tim di krísis huntu ku MEO a organisá reunion pa tur doño di klup i tambe organisadónan di fiesta, awor ta sigui pa doñonan di snek i bar. Esaki lo tuma lugá mañan 21 di yüli na Amazia Restaurant, Pletterijweg 43 i lo kuminsá 3or di atardi.

Meta di e reunion aki ta pa un biaha mas refreská memoria di tur doño di snek i bar kòrdando nan riba e medidanan pa ku COVID-19 i kiko tur nan mester tene kuenta kuné. Nan mester sòru di kumpli ku tur e medidanan ku ta importante pa tantu nan mes komo nan klientela. Aparte di esaki nan mester sòru pa nan kliente òf bishitantenan kumpli ku e medidanan aki. Al final, ta nan komo doño di e establesimentu ta keda responsabel.

Pues si durante un kontrol konstatá algu for di regla, nan mester karga konsekuensia pa ku esaki. Awor ku sifranan a kuminsá subi bek, ta hopi importante pa tur komersiante ta bon na altura i tene nan mes na e reglanan aki.