WILLEMSTAD.-Na final di e promé dia di preelekshon pa elekshon di 19 di mart próksimo, Konseho Supremo Elektoral a tene e último briefing di e dia. Presidente di Konseho Supremo Elektoral (KSE) Pacheco Römer a informa ku na final di e promé dia tur kos a kana bon sin muchu insidente. Kasi 10000 persona a partisipá na e promé dia di sostenementu di lista.

Tur kos ta indiká ku kisas e kantidat di hendenan ku a partisipá den un preelekshon for di dia ku Kòrsou ta outónomo den reino. Vise presidente di KSE Charles do Rego a informa ku e regio di Sta. Maria ta esun ku a haña mas votadó  2023 sigui pa Montaña 1624 i Brievengat 1525.

Na Goilo school na Julianadorp a haña kasi 1000 voto, no a spera esei pero por a atendé kuné. Un otro urna ku tambe a haña hopi hende ta Schotborg School na Koraal Specht., meskos ta e kaso na Otrobanda ku a haña 880 hende. Ta spera e mesun tendensia mayan djadumingu. E komportashon di komunidat tabata bon.

Nan a atendé e problemanan tékniko i KSE ta kere ku pa mayan e problemanan ei lo no presentá mas. Sra. Haddocks hefe di Kranshi a stimulá siudadanonan pa pasa renobá nan sédula pero una bes ku Kranshi a duna espasio di 7 luna t pone ku hendenan no ta preokupá pa bai traha sédula nobo. Mayan ainda por pasa traha sita pa sédula. Imro Zwerwer di polis a bisa ku Kuerpo Polisial ta kontentu di públiko. No tabatin niun insidente ku polis mester a intervení i p’esei ta spera ku mayan tambe lo sigui meskos.