WILLEMSTAD.- Awe e gran dama aktris na Kòrsou Rina Penso ta selebrá 99 aña. Rina Penso ta un di e figuranan mas importante den historia di teatro i arte dramátiko na Kòrsou. Durante mas ku seis dékada, e aktris, kantante i traduktor aki a kontribuí na desaroyo di teatro lokal, promoshon di Papiamentu i rekonosementu di talento Kurasoleño internashonalmente. Su karera artístiko a kuminsá rondó di 1960. Apesar ku e no tabatin un formashon formal den teatro, el a desaroyá su talento natural i a bira un aktris di gran reputashon. Su kontribushon no a limitá na Kòrsou. El a aktua tambe na Hulanda i a kolaborá ku aktornan i direktornan internashonal.  I awe e ta selebrá 99 aña i nos ta manda palabranan di felisitashon pa sra Rina Penso i deseá sra Penso tur kos bon.