WILLEMSTAD - Djadumingu 22 di novèmber 2020, polis a keda dirigí pa un kas den Esperansaweg pa un kaso di intento di asesinato.

Un dama a yega na e kas ei i a topa un otro dama den e kas di su kompañera di bida.

Despues di un diskushon entre e dos damanan aki, esun ku a yega topa e situashon a bai pafó i destruí e outo di e dama ku el a topa den e kas.

Na momentu ku e otro dama a sali pa wak kiko tabata pasando ku su outo, e dama ku a kousa e destrukshon a drenta den outo di su kompañera di bida i manda esaki riba su rival.

E víktima a keda mei-mei di e outo i un pila, ku konsekuensia ku su pia a fraktura.

Despues di su akto, e sospechoso a bandoná e sitio.

Ku ambulans a transportá e víktima pa C.M.C. pa tratamentu médiko.

Investigashon den e kaso aki ta kontinuá.