AMSTERDAM.- “Rijksinstituut voor Volksgezondheid en Milieu” (RIVM) ta na altura di deklarashonnan falsu di tèst di COVID-19  ku por kumpra riba Internet.

E departamento di Epidemiologia (EPI) a deklará na NU.cw ku ya kaba nan tabatin kontakto ku RIVM.

Biaheronan ku ta sali for di Hulanda pa Kòrsou, ta obligá na hasi un PCR tèst i ta solamente si e PCR tèst ta negativo por drenta Kòrsou.

Awor ta resultá ku e tèst fásilmente lo por falsifiká esaki dor ku e ta keda ofresé riba wèpsait i tambe media sosial.

Epidemiólogo dr. Izzy Gerstenbluth a bisa NU.cw a chèk e asuntu di falsifikashon serka RIVM. “E kalkulashon ku nan a hasi ta ku aparentemente no ta trata di un práktika na gran eskala i ku RIVM lo no ppor hasi masha”, segun Gerstenbluth.

Segun e epidemiólogo,  RIVM i tampoko inspekshon tin e tarea i investigashon den esaki.