Segun RTL nieuws  na Hulanda

WILLEMSTAD.-  Polis na Hulanda ketu bai ta investigando e kaso di asesinato di  e produktor  yu di Kòrsou Siki Martina (31),ku a keda likidá dia 10 di yüli 2022 na stashon di metro na  Coolhaven Rotterdam. Den mesun siman otro hòmber (40) ta keda asesiná di mesun forma na Rotterdmase wijk Zevenkamp.

Segun RTL Nieuws na Hulanda, tur e dos likidashon nan aki por tin di aber ku un robo di 160 kilo di kokaina ku lo a bini for di México.

Segun RTL nieuws,  3 grupo lo ta responsabel pa e ‘ripdea’l enkuestion. Polis ta sospechá ku tin mas grupo involukrá den e robo aki.

Banda di esaki, reshèrshinan a duna di konosé ku aworakí tin un guera formal andando den baho mundu relashoná ku droga. Gengnan di Rotterdam ta hòrtando kantidat grandi di kokaina for di otro.

Esaki ta sosodé entre otro dor di plak un opheto bou di e vehíkulonan di e posibel doñonan di e droga, pa asina sigui nan i haña sa unda e droganan ta skondí pa hòrta nan.

Segun un fuente di informashon hulandes, e likidashonnan ku a tuma lugá último, tin di aber ku e robo grandi di kokaina, pa asina pone preshon riba esnan tras di e robo pa nan paga loke a keda hòrtá.

RTL nieuws tin sospecho fuerte ku tin un órden pa asesiná  tras di e gruponan aki. Polisnan di Rotterdam ta sospechá ku tin un konflikto den e sirkulo kriminal pisá aktualmente. Un tim grandi di reshèrshi ta investigando e kasonan aki a fondo.