WILLEMSTAD – Kuerpo polisial I bomberonan tabatin ku atendé ku vários kaso durante anochi. Den Kaya Jules Blasini den Brievengat, un tipo lo mester a bula den kura di un kas i kita bùmper di un KIA Rio bai kuné. Tambe polis mester a bai na Kinki Snek den Roodeweg pa motibu ku tabatin un intento di kibra drenta e lugá. E ladron a trata na bres e porta pero al final no a logra drenta e snek.  Alrededor di 23.40'or Sentral di Polis mester a dirigí un unidat di bombero pa Oranjestraat, pa un bola di shushi ku tabata na kandela. E unidat di Brantwer Steenrijk a paga e kandela aki sin asistensia partikular i rápidamente. Finalmente doño a para su outo dilanti Topogigo Snek na Roodeweg i ora el a kaba ku su kosnan di hasi, a nota ku su outo a disparsé. Opviamente a bira otro víktima di ladronisia di outo. Durante un búskeda ayera tardi lat a bin topa e outo para kontrali den Frederickstraat i mesora a buta polis na altura kende a konfiská e outo bai warda kuné.