WILLEMSTAD.- Abitantenan di Kaya Kazèrne a bati alarma mirando ku e roi den e área aki ta kompletamente yena ku mata i yerbanan. Esaki ta hasi ku si un áwaseru duru kai, no tin kaminda pa awa pasa bai su destinashon. Nan ta teme ku ora áwaseru kai duru esaki lo por yená i okashoná inundashon manera ya tabata e kaso den pasado. P’esei abitantenan ta hasi un supliká na outoridat nan kompetente pa laga limpia e roi aki mas pronto ku ta posibel pa evitá un situashon no deseá.