WILLEMSTAD.-  Durante di fin di siman a sali un video riba ret sosial kual a krea basta disgustu serka siudadanonan.

Ta trata aki di un video kaminda Hefe di Departamento di Inspekshon Ekonómiko Ronny Cornelis ta dirigí su mes na un persona bisando e persona aki “Awe no tin roadmentu di kaya, awe ta kas, home sweet home”.

E video aki tabata algu dirigí spesífikamente na 1 persona kual sr. Cornelis a dirigí su mes na e forma aki, debí ku e persona tabata malu. Pues lógikamente si bo ta malu den e temporada aki ta konsehabel pa bo keda bo kas. E video aki tabata na status di “WhatsApp” di un periodista.

Un terser persona kual sa kompartí notisia via di e sistema di “WhatsApp” a kue e video aki sin outorisashon i distribuí esaki den su kontaktonan. E video aki a bai kai den man di un otro persona ku a manipulá ku e video, editá esaki i agregá mas imágen kual a laga parse ku sr. Cornelis ta chèrcha siudadanonan siendo ku esaki no ta e kaso. Ta un lástima ku personanan ta kue video sin outorisashon for di otronan ku e konsekuensia ariba menshoná.

E tipo di situashonnan aki lo por a trese tantu e periodista kual no tabatin nada di aber ku e video ku a keda traha komo sr. Cornelis den problema, siendo ku no ta nesesario.