WILLEMSTAD.- Ayera Gobièrnu di Kòrsou pa medio di un konferensia di prensa a anunsiá ku a suavisá diferente medida. Esakinan lo drenta na vigor mañan. Tur loke a keda anunsiá sigur a kai den bon tera mirando ku e sifranan tambe ta bahando.

Hefe di Departamento di Inspekshon Ekonómiko Ronny Cornelis a indiká na EXTRA ku komunidat mester ta konsiente ku no ta paso a suavisá algun medida ke men tur hende mester bai ranka kibra. Nos mester sigui kuida pa evitá ku sifranan ta subi i konsekuentemente mester implementá medidanan bèk. Pa evitá esaki e tim multidisiplinario lo sigui ku kontròl diariamente manera ya ta e kustumber durante último lunanan. Si komersiante òf klientenan faya, lo sigui duna but. Lo sigui pone hopi énfasis riba p.e aglomerashon na sitionan públiko.

Esakinan sin lubidá tur e otro medidanan i reglanan pa ku higiena kual ya ta konosí pa komunidat.