WILLEMSTAD. - E akusadonan Louisyn Yeung (49) i Patrick Yeung (46) ta keda enkarselá te 4 di novèmber binidero pa nan kaso keda tratá.
Na total nan tin 7 akusashon kontra nan.
Den e investigashon ku a keda yamá “Play Boy”, ámbos ta keda akusá ku dia 10 ougùstùs 2019 nan tabata den poseshon di un revòlver, 176160 gram di koka.
Tambe nan ta keda akusá ku den e periodo di 30 di yüni nan tabatin un kantidat di 28755 gram di mariwana, un Glock 26, mas 21 bala.
Ministerio Públiko ta akusá nan tambe pa un investigashon ku a keda yamá Toren. Den e investigashonnan aki nan ta wòrdu akusá ku den e periodo di 13 di sèptèmber 2016 di tabatin 7 arma potente, 226 bala na tur di diferente arma, 18 bala di hagel, 182265 gram di koka i 11320 gram di mariwana.
Pa loke ta trata e di 6 akusashon, ámbos ta keda akusá di tabatin 23786 gram di mariwana dia 30 di yüni 2020 mas 1 munishon.
Tur dos akusado a presentá den sala di korte huntu ku nan abogadonan Marije Vaders, Eldon “Peppie” Sulvaran i tambe Athena Sulvaran. Fiskal a bisa ku nan lo trata e parti di labamentu di plaka apart ku tambe Ministerio Públiko ta akusá nan di dje.
E kaso lo keda tratá dia 4 di novèmber binidero.