DEN HAAG.-E invashon ruso riba Ukrania sigur lo tin su efektonan riba Oropa i otro partinan di mundu. Premier Mark Rutte den un konferensia di prensa e siman aki a atvertí su komunidat pa prepará pa e efektonan, partikularmente forsa di kompra di e pueblo hulandes ku ya kaba ta bou di preshon debí na oumentu di preisnan. E efekto di guera entre Rusia i Ukrania ta hasi e situashon pió.

Den último dianan, komo reakshon riba e invashon ruso Union Oropeo a tuma sanshonnan kontra Rusia. No mester pèrdè di bista ku Hulanda ta kumpra gas for di Rusia i awor ku e sanshonnan aki Rusia lo por kòrta den e suministro di gas loke ta pone ku preis di gas na Hulanda lo subi barbaramente. E espektativa ta ku e problema entre Rusia i Ukrania lo dura algun luna ku tur e konsekuensianan ku esei ta trese kuné.  Ya kaba ta asina ku Hulanda ta luchando ku tasa di inflashon relativamente haltu debí na oumentu di preisnan den e pais. No solamente produkshonnan di tur klase a subi pero tambe servisionan ta birando mas karu pa e konsumidó hulandes.

LAGA UN KOMENTARIO

Please enter your comment!
Please enter your name here