WILLEMSTAD.- Hòmber di 71 aña akusá di a kometé aktonan inmoral ku hobensito menor,  su kondishon di salú no ta bayendo bon den prizòn.

E sospechoso anteriormente lo a sufri sierto malesanan grave di kual awor den prizòn su salú ta bayendo poko atras.

E ta keda sospechá  di a probechá di un hobensitu di 13 aña na dos okashon, apesar ku e ta ninga di a kometé e akto aki.

Segun deklarashon di e víktima, un dia e hòmber en kuestion a bai sinta bou di un palu kantu di un snèk.

Nèt na e momento ei el a kana pasa  di kual e hòmber a yam’é bis’é bin tende.

Ora ku el a kana bai, e hòmber a kana bai kuné na un lugá alehá.

E hòmber a kuminsá baha su karson  pa hasi aktonan di inmoralidat, pero e víktima a ninga redondamente.

Siguiente dia, e sospechoso a bolbe purba. El a  bolbe yama e víktima  i bis’é pa e top’é na otro sitio alehá kantu di un laman.

Despues e mes a presentá na e sitio i a kuminsá brasa e menor maskulino, sunchi e i mishi ku tur parti di su kurpa. Dado momento el a dun’é un kaha di kondon.

E menor na su turno mester a bisti e sospechoso  e kondon pa despues e hasi aktonan oral kuné.

Despues ku nan a kaba, el a duna e menor un montante di 25 florin.

Na momento ku e menor a yega kas, su mama atento a tuma nota di e sèn i a puntra e menor unda el a haña e plaka. Despues di hasi hopi pregunta  i preshon di parti di e mama, e menor a  basha bou unda el a haña e sèn.

E mama na su turno a bai polis inmediatamente pa hasi denunsia, ku a resultá den detenshon di e sospechoso.

Durante investigashon di e kaso, e menor a bai mustra e polisnan unda el a kometé e akto di inmoralidat ku e sospechoso.

El a splika nan delantá kua tipo di kondon el a usa i tambe e koló.

Na momento ku polisnan a yega na e sitio, nan a haña presis e loke e menor a deskribí.

E sospechoso a bisa ku bèrdat el a topa ku e menor, pero a ninga redondamente di a kometé aktonan di inmoralidat kuné.

E kaso lo keda tratá otro siman djárason pa asina skucha kiko Ministerio Públiko lo bin kuné kontra di e akusado.