WILLEMSTAD.- En konekshon ku e fiesta internashonal di “Halloween”, Sambil ta bai tin un wikènt kargá ku aktividatnan tantu edukativo, inspirativo i alabes ku entretenimentu total. For di djabièrnè 29 di òktober ta ranka sali ku e tremendo aktividat di “Halloween”, kaminda tantu mucha i hende grandi por drenta den espektativa di un wikènt kargá ku ambiente.

Mañan djabièrnè por disfrutá di personanan ku a pone nan mes disponibel pa krea arte ku pampuna i alabes por pinta kara, kore buska mangel den e kompleho komersial i alabes tin e famoso kompetensia di, “KEN TA MIHO DISFRASA”.

Tur esakinan konhuntamente ku Fundashon Ronald Mc. Donald ku por sierto ta presente pa asina kumpra un kurason i hasi donashon na e fundashon aki, ku ta sali pa tantu mucha i hende grandi ku ta enfrentando e parti di sanashon o mester di apoyo mental i distraishon.

Djasabra i djadumingu tambe tin e oportunidat pa sigui buska mangel na e diferente tiendanan ku ta den Sambil i alabes por Bishita e “Haunted Zone” di Xtreme Zone. Sea  ta disfrasá òf bin ta hasi kompra i disfrutá di Sambil, den kual  pa nan ta un satisfakshon pa habri nan portanan, pa asina risibí tur persona. Alabes por eksperensia e Grand opening di e pakus “Aerie” i lansamentu di un konsepto nobo di “Pandora”. Huntu ku tur esakinan djasabra awor Oxygen Fitness  en konekshon ku nan 5 aniversario, ta selebrá i duna kurso gratuitamente, pa asina hinka bo den espektativa pa nos ta aun mas konsiente di loke ta trata un kurpa balansa i den kondishon.

Mirando ku nos ta den e luna di “Breast Cancer Awareness” tin komo invitado Fundashon Sinta Ros pa asina duna informashon i alabes tin diferente produkto den kual bo por kontribuí i yuda e organisashon yega na aun mas na fondo pa por sigui ku e bon trabounan ku nan ta ehersiendo.

Un invitashon ta bai na tur persona ku ta deseá di bin pasa un wikènt fabuloso i tur afó na Sambil i asina eksperensia tur loke tin di ofresé. Por sigui Sambil riba nan plataforma Facebook i Instagram pa keda na altura di tur nos aktividatnan pa asina tantu abo, famia, i amigunan bini huntu i bin selebrá tur dia di nobo na Sambil.