WILLEMSTAD. - Visepresidente di Sandals Resort International, Adam Stewar, a splika ku Sandals Kòrsou lo tin un impakto positivo tantu a korto komo a largo plaso riba e isla i riba e poblashon di Kòrsou. Ta premirá un invershon di mas ku 40 mion dòler den e promé aña, ku tur efekto positivo di esaki pa e ekonomia i pa empleo.

Ta kalkulá ku e resort lo generá mas ku 1200 kupo di trabou pa 800 trahadó nobo i 400 negoshante i hende di fishi. Esaki lo tin un efekto ekonómiko positivo pa e komunidat i pa taksista- i otronan den e sektor di transporte, e kadena di distribuidónan, mas agrikultura, oumentu di tráfiko aéreo i kresementu di sifranan turístiko - spesialmente di e merkado importante di turismo merikano.

E fundadó i presidente di Sandals Resorts International, Gordon “Butch” Stewart ta komentá, huntu ku Adam Stewart, ku pa nan tabata un plaser inmenso pa traha huntu ku e gobièrnu di Kòrsou i e famia Smeets na e inisiativa eksitante akí pa e kadena di hotèl Sandals.

Ta bai un danki grandi pa Roald Smeets ku tabata instrumental pa e proseso akí i ku ken tabata apsolutamente un plaser pa traha kuné. E famia Stewart a bisa ku nan lo hasi mas ku nan parti pa alsa e apresio pa e pais bunita akí mundialmente.”

Stewart ta añadí: “Kada biaha ku nos ekspandé, nos ta trese e potensial kompletu di nos 40 aña den hospitalidat. Sandals Curaçao ta personifiká nos filosofia di vishon pa futuro mirando dor di un brel nobo. Inovashon ta un kontinuashon, esaki ta un promesa na tantu wéspetnan komo na miembronan di personal. Kòrsou ta un destinashon ku ta bal hende deskubrié i nos ta asina orguyoso ku awor nos ta forma parti di e komunidat akí.”