WILLEMSTAD.- Den e momentunan ku nos ta enkontra nos mes awor aki, nos tur tin ku traha huntu pa redusí e rísiko pa ku nos famianan, amigunan, koleganan i tambe komunidat kompletu na Kòrsou i tambe internashonal.

Pa e rason aki, Santa Barbara Beach & Golf Resort a tuma e desishon difísil pa temporalmente suspendé su operashon nan dor di e krísis COVID-19.

Desde ayera djaluna, 23 di mart 2020 pa 4or di atardi, e resort lo no ta habri mas pa huéspet. Santa Barbara lo suspendé tambe temporalmente su operashonnan den e vários restorant nan, manera SHORE, Medi, Splash Pool Bar, Burgers & Beers i The Great Room.

Bella Italia lo ofresé servisio di ‘to-go’ di 10or di mainta pa 7or di anochi tur dia. Boca 19 lo ofresé servisio di ‘to-go’ di 11or di mainta pa 6or di atardi riba djasabra i djadumingu.

E laman lo ta habri i aksesibel pa públiko durante di e temporada aki. Ta pidi pa tur ku ta bishita na e laman pa tuma bon nota di e siguiente puntonan:

Preis di entrada i parker ta na vigor ainda

Mester bisti e banchi na tur momentu

Por trese bibida i kuminda di gustu, pero no ta pèrmiti hasi BBQ

E komprobante di parker por wòrdu uza na Boca 19 of Bella Italia durante di nan orarionan

No ta pèrmiti pa kana òf hasi uzo di tereno di hotèl; por keda na beach so

Kòrda mantené ‘Social Distancing’ manera ya menshoná na vários okashon pa nos Gobièrnu; mínimo 2 meter for di otro

Laga nos ban mantené nos mes sigur i salú, tanten nos ta warda e momentu nan difísil aki pasa. Sigui chèck medionan sosial, Facebook (@sbrcuracao), Instagram (@sbrcuracao) i LinkedIn (Santa Barbara Beach & Golf Resort) pa keda na altura di tur notisia pa ku Santa Barbara Beach & Golf Resort Curaçao.

Ta spera di por yama tur hende bòn bini bèk na Santa Barbara Beach & Golf Resort Curaçao!