Wer seku lo prevalesé:

Tempu lo ta leve te parsialmente nublá i un wer por lo general seku lo prevalesé. Kualke áwaseru ku por kai durante di dia lo ta unu leve i di durashon kòrtiku.

Durante próksimo 24 ora no ta antisipá muchu kambio den e situashon di tempu aktual. Si ta antisipá ku den transkurso di djadumingu, forsa di bientu lo mengua gradualmente i bira suak te moderá.  Esaki ta debí na e siguiente ola tropikal ku lo pasa den nos área i ku ta hisa un bes mas e chèns pa awa kai. Visibilidat tambe ta un poko redusí dor di presensia di santu fini prosedente di Sahara. Ta premirá ku esaki lo mehorá den e próksimo 48 ora.

Temperatura máksimo lo alkansá 34°C i temperatura mínimo di 27°C.

Bientu for di direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando te fuerte; forsa 6 (40 pa 50 km/h, 22 te 27 nudo).

Kondishon di laman: Por lo general moderá ku altura di olanan entre 1 i 2 meter (3 pa 6 pia).  Dor di bientu relativamente mas fuerte riba e aria sentral di Karibe, laman ta un poko mas brutu na kosta nort di Kòrsou i den e pasashi entre 'Oostpunt i Klein Kòrsou'.

Solo ta sali 06:31 i ta baha 18:08.

Sistemanan signifikante di wer tropikal, ningun.

Fenómeno spesial, ningun.

Perspektiva te djadumingu atardi, por ferwagt ménos bientu i tin chèns pa un áwaseru lokal.

Pronóstiko di tempu pa Kòrsou i bisindario bálido te djasabra atardi 06 or.