WILLEMSTAD.- “Si elekshon sigui dia 28 di aprel, por spera Movementu Futuro Kòrsou ku un lista kombiná”, esaki nos a komprondé di lider polítiko di MFK Gerrit Schotte. Den deklarashon na EXTRA el a bisa di a papia ku tur e 12 asientonan aktualmente ku a forma bloke den parlamento i ku próksimamente ta bai forma un gobièrnu interino.

Pero tambe el a papia ku 2 organisashon polítiko ku no tin asiento aktualmente den parlamento di Kòrsou. Si akaso tin elekshon por spera un lista kombiná di Movementu Futuro Kòrsou, esaki ta loke Gerrit Schotte a bisa EXTRA.

Desaroyonan ku lo tuma lugá e siman aki ta determinante pa formashon di un lista di Movementu Futuro Kòrsou. Gerrit Schotte no kier a drenta den detaye ku kua organisashon polítiko ku no ta den parlamento nan a papia kuné. Pero el a sigurá ku e siman aki nan lo rònt af.