Extra Curaçao · Seadoo sin lus ta okashoná ku boto ta bai dal den baranka

WILLEMSTAD - Ayera alrededor di 20.55’or, Sentral di polis a risibí notifikashon di un boto ku a aksidentá kontra di un baranka. E patruya ku a yega na e sitio a kuminsá ku investigashon i a resultá ku un boto ku tabata nabegá a topa ku un sea-doo sin lus riba laman. Na momentu ku e kapitan di e boto a bai desvia pa e sea-doo, e la bai dal kontra un baranka. E aksidente a tuma lugá na entrada di e bahia di Spaansewater. E boto mes a logra bai na un kas den bisindario pa buska yudansa.

Dor di e impakto aki un hòmber i dos dama ku tabata riba e boto a resultá heridá.

Ambulans a transportá e dos damanan ku a risibí hopi sla interno pa sala di emergensia di C.M.C. pa tratamentu médiko.  Investigashon di e aksidente aki ta kontinuá.