WILLEMSTAD.- Curator mr, Huizing a duna splikashon riba bankarota di CDM. El a indiká den e splikashon ku un bankatora inkontrolá lo ta indeseabel pa DOK.
Mr. Huizing a bisa ku Curaçaose Dok Maatschappij (CDM) òf manera yama den boka di pueblo “Dòk”, ta un kompania di gobièrnu. C.D.M. Holding N.V. ta e úniko akshonista di CDM. Gobièrnu di Kòrsou t’esun ku solamente tin tur e akshonnan di C.D.M. Holding N.V. den man.
Dia promé febrüari 2017 e aktividatnan di mas importante di CDM, esta reparashon i mantenshon di barku, a keda tuma over dor di Damen Shiprepair Curaçao B.V. (Damen), den kuadro di un apertura.
Pa tumamentu over di CDM mas òf ménos 400 trahadó ku ta den servisio fiho, i banda di esei tambe ta usa mas òf ménos 120 trahadó fleksibel ku ta dependiente di e kantidat di trabou disponibel. E aktividatnan di CDM ta duna banda di esaki tambe un kantidat supstansial di trabou indirekto.
Pa basta tempu promé ku e apertura no tabata bai bon ku CDM. No tabatin ganashi, i no tabatin sufisiente medionan pa un bon mantenshon i tambe a hasi e invershonnan nesesario. CDM no tabata den posishon pa paga su debenan. CDM tabata funshoná te na momentu di tumamentu over dje kompania, pero no tabata den posishon pa kontinuá manehá e kompania riba un manera responsabel.
Den 2010, despues di un búskeda na posibel kandidatonan pa tuma over e aktividatnan di Dòk, a negoshá ampliamentu ku Damen.
Den e sirkunstansianan den kual CDM tabata en kontra su mes promé ku e apertura, tabatin duda si ta posibel pa por restrukturá e aktividatnan di dòk pafó di un bankarota.
Un bankarota inkontrolá lo ta indeseabel, pasobra esaki lo por pone ku tin deskontinuashon di manehá e kompania i kual por kondusí na pèrdida di kupo di trabou i tambe por tin otro daño. Esaki lo no tabata un bon posishon pa e kreditornan di CDM.
Un bankarota ta kondusí na final di hasi negoshi. E kompania ta bai kai den situashon di un lus negativo i dor dje pèrdida den konfiansa por pèrdè klientenan i miembronan di personal importante. Bou di e sirkunstansianan aki ta hopi fèrfelu pa por kuminsá ku un apertura rendabel.
Finalmente mr. Huizing a bisa ku den práktika tin e nesesidat pa un konstrukshon ku ta hasi posibel pa tin un apertura lihé di e aktividatnan di e kompania i pa salbaguardiá esakinan. Un pre-pack ta un tipo di instrumento asina.
Ora tin un pre-pack wes ta designá un curator i un wes komisario. No ta duna publisidat na e echo aki.