WILLEMSTAD.- Siman pasá epidemiólogo dr. Izzy Gerstenbluth a duna di konosé ku Kòrsou tambe a konosé diferente kasonan di Omicron, un variante di COVID-19. Te ainda no ta hopi konosí tokante síntomanan di Omicron. Segun eksperto merikano e promé datonan ta sugirí ku pa mayoria di e personanan di ta keda afektá ku e variante Omicron di COVID-19, por lo ménos pa esunnan ku ta al dia ku nan vakuna kontra COVID, Omicron parse ta provoká un enfermedat leve ku por parse un ferkout normal. Ta parse ku tin síntoma ku ta sobresalí den Omicron: ‘Tosamentu, fatiga òf kansansio, nanishi sera i sleim (mucus). Ku diferensia na e variantenan anterior, e pèrdida di gustu i holó parse ta poko komun.’

E eksperto ta bisa ku ta importante pa tene nos mes na reglanan; ku ta enserá entre otro tene distansia sosial, bisti tapa boka i laba man regularmente.