Tin man riba kabes di hopi hende

WILLEMSTAD.- Den un palabra, ta un “mobster” tin pa hopi aña den “Justitiële Jeugd Inrichting Curaçao” (JJIC) den boka di pueblo GOG.

Hopi kos robes i hopi kos malu ta sosodé den GOG. Pues no ta nada straño ku tin tantu huida asina.

Segun nos fuente, a traha un asina yamá “changeteam”, pero despues di 1 aña nada no a kambia. Tur hende ta demotivá.  Lidernan i hefenan di sala ku ta malkontentu.

Edifisionan den mal estado, esta den deterioro pisá.

Kuerpo di seguridat di SDKK tin tiki personal i e kompania di seguridat privá kada 2 aña ta keda kambiá.

No tin sufisiente lider pa ehersé e tareanan pa ku e muchanan. Ta masha tiki mucha ta logra sali GOG ku un diploma den man.

Segun e fuente t’asina ku Ministernan di Hustisia Navarro i Girigorie a purba, pero e problemanan di Kuerpo Polisial i di Prizòn a kita nan atenshon for di e problemanan di GOG. Konsekuentemente e instituto ta bolbe kai den otro. GOG no ta un prioridat, miéntras e muchanan ta sigui kai atras.

E fuente ta enfatisá ku GOG ta manehá pa “mobster” pa añanan kaba i tin man riba kabes di hopi, miéntras ku Ministerio di Hustisia sa pero no ta hasi nada.

Extra ayera un biaha mas a trata di drenta den kontakto ku Minister di hustisia, pero sin resultado.