WILLEMSTAD.- Ayera tardi sekretario di estado Raymond Knops a yega for di Bonaire. E ta realisando bishita di trabou. For di dia 31 di ougùstùs e tabata na Bonaire.

Ayera tardi el a yega. Knops e dianan aki ta den lus, pero esun di krítika fuerte pa e Entidat di Reforma Karibense kua ta igual na un lei di Konsenso ku Hulanda ke introdusí sin partisipashon dje islanan outónomo den Reino.

Knops a nenga di reuní ku parlamento den un reunion informal, alegando ku e no tin tempu.

Awe e sekretario di estado ta inisiá su trabou. E ta programá pa hiba kombersashonnan programá ku Gobernador, sra. Lucille George-Wout i Promé Minister, Eugene Rhuggenaath. E Sekretario di Estado lo bishitá Krus Kòrá i organisashonnan partner den kuadro di e ayudo di Corona di HHulanda. Despues e lo hasi un rekorido den  vários bario, kaminda e lo papia ku boluntarionan di NGO’s i sentronan di bario. Tambe riba e programa  tin un reunion ku ‘stakeholders’, representantenan di sektor privá i organisashonnan sosial tokante rekuperashon di ekonomia i maneho.