WILLEMSTAD.- E famia di EXTRA a selebrá den wikènt aniversario di diferente kolega. Tabatin di 30 aña di servisio 20 i tambe 10. Mirelia Martijn a selebrá 10 aña den servisio. El a risibí su ‘pin’ di 10 aña ku el a risibí for di man di direktor Romulo Irausquin, tambe e ènvelòp kustumbrá i un bukèt di flor ku el a risibí serka su koleganan Lili i Lucille. A sigui kolega Jean Carlos Rivas Villaroel ku a kumpli 20 aña di servisio. El a risibí ènvelòp di direktor Irausquin i un regalo di Claudio Moreno. E di tres kolega tabata Mizarillo (Rilley) Ignacio ku 30 aña di servisio. El a risibí su ènvelòp serka direktor Irausquin i un regalo serka hefe di redakshon Valesca Diaz i su koleganan di Redakshon. Pabien na tur ku nan aniversario.