WILLEMSTAD. - Ya por haña un bista kon e ambiente di lus lo bai ta awe anochi ora ku Downtown Management Organization (DMO), invitá pueblo di Kòrsou pa sinti e ambiente festivo di fin di aña den Downtown Punda. For di  7 or di anochi DMO huntu ku Annabay Rum Club ta sende e palu grandi di Pasku durante Punda Thursday Vibes. Awe lo bira un anochi spesial ku, Santa Claus, Músika bibu di Kór Infantil Beyentlkids, aktuashon di "Back to the 80s" na vários lugá na Punda, “Black Weekend Sale Shopping Night”, Kuminda i stènt ku gastronomia delisioso, “Cocktails” na tur restorant den Punda. E Palu di Pasku ta orguyosamente patrosiná pa Annabay Club Rum.