WILLEMSTAD.- Selebrashon dia di bandera e aña aki lo mester a kumpli 37 aña. Pero teniendo na kuenta ku aña pasá no tabatin selebrashon, debí na e pandemia ku e vírus di Corona a trese kuné, e aña aki nos ta selebrá di 36 aña di dia di bandera.

E selebrashon lo bai ta den chikí. Awe atardi lo baha bandera i bai warda esaki den Fòrti pa mañan dia 2 di yüli por subi esaki bèk riba Brionplein.

Lo tin seremonia di parlamento i despues huntu ku gruponan uniformá lo kana bai Brionplein. Einan lo sigui un selebrashon ku algun diskurso, pero tur kos di un forma masha sobrio. E selebrashon lo keda transmití via Facebook di gobièrnu mes i tambe plantanan di televishon.

Tin algun bario ku a organisá tambe nan marshenan relashoná ku e dia.

E selebrashon na Plasa Himno i Bandera na barber no ta sigui manera a kustumbrá kuné. Atardi lo tin un seremonia tambe masha sobrio ku presensia di minister i parlamentarionan pero sin presensia di públiko.

Ta spera ku otro aña nos lo bai bèk na un selebrashon manera nos pueblo a kustumbrá kuné te ku 2029. Riba e fotonan sinembargo un bista ku ya a drecha Brionplein for di ayera pa e seremonia di awe dia 1e ku bahamentu di bandera i mañan dia 2, riba dia di bandera di Kòrsou.