WILLEMSTAD. - Den kuadro di selebrashon di dianan Marítimo, Minister di Desaroyo ekonómiko sra. Giselle Mc William huntu ku Curaçao Port Authority (CPA), pa kuater dia sigui a selebrá e dianan aki ku alumnonan di vários skol sekundario.

Na total 639 alumno a reuní na Matheywerf, kaminda ku einan e alumnonan a topa ku Minister Mc William huntu ku empleadonan di KTK i CPA, pa despues nan a subi e fèrinan i tambe botonan ku ta trese barkunan grandi aden.

E alumnonan a haña un rekorido den e botonan i asina haña un impreshon kon e bida marítimo ta. E siman di selebrashon di Dianan Marítimo ta un aktividat mundial i e aña aki e énfasis ta riba e hende muhé den e komunidat marítimo.

...Riba e kombinashon di foto por mira e alumnonan di e diferente skolnan ayera na Matheywerf...