WILLEMSTAD. - Señora Cira Fabian a kumpli 100 aña di bida. Cira ta un persona trankil, stret i na su punto. Cira no tin yu i ta un persona ku gusta kose, brèi i hak i tambe gusta balia. Su plato faborito ta piská na tur modèl.

Señora Cira mes a skohe pa bai biba na Habaai i tin 30 aña bibando na Habaai. Cira tabata yuda ku pedido den kushina, tabata yuda ku limpiesa i mas. Di famia nan ta biba largu. Cira su tanta a biba 112 aña i su tata a muri ku 97 aña.

Mester splika ku Habaai kompletu ta biba ku Cira i ta kuida Cira komo sifuera ku  Cira ta nan mama. Di parti ‘Fundashon Nos Grandinan’ ta bai un pabien kaluroso, bida, forsa i salú na e gran dama Sentenario aki.