WILLEMSTAD. - Na mei 2009 a tuma lugá un kaso di atrako brutal ku a tuma lugá riba un pareha den nan kas i ku a laga nan ku un trouma formal. E loke ku ta mas doló ta e echo ku e señora ku a keda seksualmente violá a fayesé di kanser promé ku por a tende ku su violadó a keda kondená.

Tabata 12 di mei 2009 ora ku kuater hòmber a drenta den kas di e pareha di 55 aña i 46 aña. E señora tabatin 55 aña i e hòmber tabatin 46 aña di edat.

E kuater personanan aki a usa ekseso di violensia sin presedente. Despues di a maltratá e pareha di tal forma asta e hòmber un dado momentu a pèrdè konosementu.

Despues nan ta violá e señora seksualmente.

Ta trata di un kas di vakashon na Schaijk. Manera ya menshoná ta trata di un suseso ku a tuma lugá for di 2009, pero e investigashon a kontinuá i na 2013 a logra kondená un di nan pa poseshon di arma di kandela so.

Na 2017 a bolbe arest’é ku pruebanan konvisente ku e ta metí den e kaso, pero e echo ku no por arestá un hende dos biaha pa e mesun sospecho hues a ordená pa pone e hòmber aki den libertat.

E dia di e suseso, nan a “tape” nan víktimanan na man i pia, nan a usa hopi violensia i tambe violensia seksual pa despues hòrta nan nan kosnan a bandoná e kas.

E dos personanan arestá Burhan A. i Erwin R. a keda arestá na yanüari 2017, 8 aña despues di e krímen.

E demanda kontra di Burhan tabata 7 aña i el a keda kondená na 5 aña i mei i Erwin ku ta tin 16 aña di edat dia di e suseso, a keda kondená na 1 aña i mei.