WILLEMSTAD.- Sentro di Siudat ta bria for di ayera nochi ku a sende e lusnan. Manera a bira tradishonalmente, fin di aña semper ta dekorá sentro di siudat. Lusnan di Pasku semper ta yuda krea un ambiente dushi i ta kòrda nos un i tur ku ta un luna di fiesta i selebrashon. Ayera Gobièrnu di Kòrsou den koperashon ku Servisio pa Obra Públiko (OW) i Aqualectra a sende lusnan di Pasku den nos Sentro di Siudat. E sendementu di lus tabata na enkargo di Minister Jesus-Leito huntu ku Minister Martina.