WILLEMSTAD.-  Gobiernu ta informá públiko ku den kuadro di organisashon di evento di landamentu Oceanman, playa di Caracasbaai lo ta será parsialmente i kompletamente riba sierto dianan pa uso públiko  riba e siguiente dianan:

Fecha
Ora
   Lugá




14 di mei 2026
08:00 – 17:00
   Sitio pa stashoná outo


15 di mei 2026
08:00 – 17:00
   pa stashoná outo


16 i 17 di mei 2026
05:30 – 14:00
   Henter playa i i tambe e sitio pa stashoná outo


 
 
 

Dianan 14 i 15 di mei públiko lo por hasi uso di e playa, mirando ku ta preparando un ke otro riba e sitio pa stashoná outo. Dianan 16 i 17 di mei si tantu e sitio pa stashoná outo komo e playa lo ta será pa públiko.

E seramentu ta nesesario pa garantisá seguridat tantu di e partisipantenan komo di e bishitantenan durante di e evento.

Ta pidi públiko pa sigui e instrukshonnan di e organisashon i di e instansianan kompetente durante e periodo akiriba menshoná i hasi uso di otro playanan alternativo.